UWC Pearson քոլեջը առաջարկում է Միջազգային բակալավրիատի դիպլոմ ծրագրի (IBDP) ուսումնական պլան: Ստանդարտ առարկաներից բացի, Քոլեջն առաջարկում է այնպիսի առարկաներ, ինչպիսիք են փիլիսոփայությունը, ծովային գիտությունները, ֆրանսերենը, իսպաներենը, կերպարվեստը և թատրոնը:

UWC Pearson քոլեջի սովորողները սովորում են գործելով, մասնավորապես՝  Ստեղծագործականություն, ֆիզիկական ակտիվություն և ծառայություն (CAS) ծրագրի միջոցով: Ավարտելու համար սովորողները պետք են 80 ժամ ծառայություն իրականացնեն առաջին և երկրորդ կուրսերի արանքում, հաճախ իրենց իսկ համայնքներում:

Յուրաքանչյուր կիսամյակը մեկ սովորողները պլանավորում, նախագծում և  իրականացնում են անհատական կամ փոքր խմբերով նախագծեր:

Ամենամյա «Մեկ աշխարհ» համայնքային միջոցառման ընթացքում սովորողները կիսվում են միմյանց հետ միջազգային երաժշտության, պարերի, իրենց երկրների և միջազգային փորձի մասին պատմություններով: Բացի այդ նրանք պարբերաբար անցկացնում և մասնակցում են Միջազգային հարաբերություններ, Հատուկ թեմաների օրեր, Միջմշակութային օրեր, Գյուղական հավաքներ միջոցառումներին և կարող են կամավորական հիմունքներով անդամակցել Արտակարգ իրավիճակների արձագանքման թիմին:

Սովորողներից պահանջվում է կամպուսի շրջակայքում օգնել տարբեր գործերով որպես իրենց գյուղական ծառայության մի մաս: Նրանք օգնում են վերամշակման, գրադարանի և կամպուսին վերաբերող այլ աշխատանքներում:

Սովորողների կողմից իրականացվող շաբաթական ֆիթնես ծրագրերը լրացնում են ամենօրյա ֆիթնեսին:

Յուրաքանչյուր ամառ Քոլեջը միավորում է ամբողջ աշխարհից ժամանած երիտասարդների՝ Pearson Seminar on Youth Leadership (PSYL) կոչվող երեքշաբաթյա հետաքրքիր փորձառության միջոցով, որը երիտասարդներին հնարավորություն է տալիս ստեղծել աշխարհում դրական փոփոխություն կատարելուն միտված միջազգային համայնք՝ կրթության և առաջնորդության ոլորտում ռիսկերի դիմելով:

Սովորողները, ինչպես նաև ֆակուլտետների շատ աշխատակիցներ և նրանց ընտանիքներ, ապրում են կամպուսում: Կամպուսը ներառում է հինգ ռեզիդենցիալ կացարան, որտեղ կարող են բնակվել 40 սովորող՝ յուրաքանչյուր սենյակում չորս հոգի, և մեկ բնակարան դաստիարակի համար:

Շինությունները կառուցված են Արևմտյան ափի ժամանակակից ոճով՝ արտացոլելով և պահպանելով բնական միջավայրը, և ներառում են ափամերձ ճաշասրահը, արվեստի լաբորատորիաները, դասասենյակները, 300 տեղանոց թատրոնը, դասախոսությունների փոքր սրահը, կերպարվեստի սենյակները, Կրթական ռեսուրս կենտրոնը/գրադարանը և Հոգևոր կենտրոնը: Յուրօրինակ ճարտարապետական լուծումներներից է ծովային գիտությունների՝ ջրի վրա գտնվող կենտրոնը, որը ներառում է տեխնիկապես հագեցած էկոլոգիական համակարգերի ափամերձ լաբորատորիան և բլրի գլխին գտնվող աստղադիտարանը, որը նախատեսված է աստղագիտության դասերը և աստղազարդ երկինքն ուսումնասիրելու համար: Սովորողները նաև ուսումնասիրություններ են անցկացնում Ռեյս Ռոքս էկոլոգիական արգելոցում ջրի վրա և ջրի տակ: Կամպուսում հանգստի համար նախատեսված հարմարությունները ներառում են 25 մետրանոց փակ լողավազան և մարզասենյակ, թենիսի, բասկետբոլի և վոլեյբոլի բացօթյա կորտեր, ֆուտբոլի դաշտ, սովորողների ընդհանուր սենյակ և կամպուսից սկսվող զբոսանքի և հեծանվավազքի համար նախատեսված լայնարձակ արահետներ:

Կամպուսը գտնվում է գեղեցիկ անտառապատ վայրում՝ Փեդդեր Բեյում, Վանկուվեր կղզու հարավային մասում, Կանադայի արևմտյան ափին: Այն 30 կմ հեռավորության վրա է Բրիտանական Կոլումբիայի մայրաքաղաք Վիկտորիայից: Քոլեջի տարածքները գտնվում են Sc'ianew (Beecher Bay) Առաջին ժողովրդի պատմական տարածքում:

Սովորողները պետք է դիմեն իրենց երկրի UWC national committee կամ UWC Global Selection Programme միջոցով։ Բացառություն են կազմում փախստականները կամ պետություն չունեցող ազգերի ներկայացուցիչները, ինչպես նաև եզակի այլ դեպքեր: Հավելյալ տեղեկությունների համար այցելեք քոլեջի կայքը։