UWC Լի Պո Չունը Միջազգային բակալավրիատի դիպլոմի ծրագրի (IBDP) ուսումնական պլան: Բացի ստանդարտ առարկաներից, UWC Լի Պո Չունն առաջարկում է չինարեն, խոսակցական չինարեն, իսպաներեն, ֆրանսերեն, աշխարհագրություն, բիզնեսի կառավարում, քաղաքագիտություն, բնապահպանական համակարգեր և կազմակերպություններ, թատրոն, կերպարվեստ:

Քուան Չաի ծրագիր (լիարժեք մարդու զարգացում) ուսանողների կրթության անբաժանելի մասն է: Ընդհանուր առմամբ առաջարկվում են 70-ից ավելի զբաղմունքներ, այդ թվում՝ 10 սպորտային թիմ, համայնքին օգնելու 22 աշխատանք, և 30 այլ զբաղմունք, որոնք կապ ունեն խմբերի կամ կազմակերպությունների հետ՝ համայնքի շրջանակներում:

Քուան Չաի ծրագրի տարբեր բաղադրիչներից բացի, մեծ նշանակություն է տրվում ծառայությանը համայնքին, ուսանողների՝ խաղաղության և կայունության հաստատման գործում իրենց դերի մասին տեղեկացվածության բարձրացմանը: Աշխատանքները հիմնականում ուսանողների կողմից են ղեկավարվում և ներառում են Ծառայությունը համայնքին (կորալների մշտադիտարկում, աշխատանք տնային աշխատողների հետ, կենդանիների փրկում), արվեստ (խոհարարություն և առողջ ապրելակերպ, Վիշապի պար, բանավեճ, կրկես), ֆիզիկական ակտիվություն (թիավարում, արշավներ, քեմփինգ և ալպինիզմ), ծառայություն կամպուսում (Առաջին օգնության խումբ, Աուդիո և վիզուալ թիմ, Կամպուսի բնապահպանները և Synergy ամսագիրը), Չինաստանի շաբաթը և Նախագծերի շաբաթը, Մշակութային երեկոները, Կրթական խաղաղարար ծրագրերը, Կողմնորոշման շաբաթը:

UWC Լի Պո Չունը 100%-ով բաղկացած է բնակելի շինություններից: Ուսանողներն ապրում են կամպուսի 4 բնակելի շենքերում, և նրանցից յուրաքանչյուրը կիսում է իր սենյակը երեք այլ ուսանողների հետ: Հնարավորության դեպքում, սենյակները տրամադրվում են երկու երկրորդ և երկու առաջին կուրսեցի ուսանողների, որոնցից երկուսը Հոնկոնգից են, երկուսը՝ այլ տարբեր երկրներից: Լրիվ դրույքով աշխատող անձնակազմը ապրում է կամպուսում և կատարում մանկավարժի աշխատանք: Մանկավարժները և մանկավարժների խմբերը կարևոր առաջնորդների դեր են կատարում, ապահովում «տանից հեռու՝ ինչպես տանը» մթնոլորտ, անհրաժեշտության դեպքում լսում ուսանողների խնդիրները և օգնում նրանց, ինչպես նաև լավ լուրեր փոխանակում ուսանողների հետ: Կամպուսում կա նաև մարզադահլիճ, խորհրդակցությունների դահլիճ, լողավազան, թենիսի կորտ, բասկետբոլի դաշտ, գրադարան, դասասենյակներ և լաբորատորիաներ:

Մա Օն Շան քաղաքում գտնվող և Ստարֆիշ ծովածոցին ու Թոլո նավահանգստին նայող դպրոցական կամպուսից Վու Քաի Շա մետրոյի կայարանին ոտքով հասնելու համար 10 րոպեից էլ քիչ ժամանակ է պահանջվում , ինչը շատ հարմար է դարձնում դպրոցի գտնվելու վայրը:

Հոնկոնգից դիմող բոլոր դիմորդները, անցնում են UWC կրթաթոշակային համակարգով՝ ամբողջ աշխարհում գտնվող UWC 17 քոլեջներից ցանկացածը ընդունվելու համար, այդ թվում նաև UWC LP: Արտասահմանցի դիմորդները կարող են դիմել իրենց երկրի UWC կոմիտեի միջոցով, կամ, ուսման լրիվ վճարի դեպքում՝ ուղղակիորեն դիմել Քոլեջ: Հավելյան տեղեկության համար այցելեք www.lpcuwc.edu.hk: