Անցնել բովանդակությանը ↓

UWC-ի պատմությունը և ստեղծման գաղափարները

 


Քսանմեկերորդ դարի արագ փոփոխվող աշխարհի պայմաններում UWC-ի նպատակներն ու տեսլականն այսօր նույնքան արդիական են, որքան 1962 թվականին, և միգուցե նույնիսկ ավելի արդիական են, քան նախկինում։  

UWC-ի մեկնարկային տարեթիվը 1962 թվականն է, երբ Հարավային Ուելսի Ատլանտյան քոլեջը (Մեծ Բրիտանիա) ընդունեց իր առաջին ուսանողներին։ Մի ժամանակաշրջանում, երբ  սառը պատերազմը հասել էր իր գագաթնակետին, UWC շարժման հիմնադիրների նպատակն էր մեկ տեղում հավաքել տարբեր ազգություններ ներկայացնող երիտասարդների, որոնք հանդես կգան որպես խաղաղության քարոզիչներ և կմիավորվեն՝ համատեղ ուսումնառության, համագործակցության և փոխըմբռնման վրա հիմնված կրթության միջոցով կառուցելու խաղաղ ապագա: 

UWC շարժման կրթական գաղափարը հիմնված է գերմանացի կրթական գործիչ Քուրթ Հանի գաղափարների վրա, որը UWC շարժման հիմնադիր հայրերից է։ Հանը հավատացած էր, որ դպրոցը պետք է երեխաներին պատրաստի կյանքին և ոչ միայն համալսարանին, և որ կրթությունը պետք է օգնի՝ աշակերտների մեջ ձևավորելու ճկունություն և ունակություն՝ ընդունելու թե՛ ձախողումը, թե՛ հաջողությունը։

1962 թվականին UWC շարժման հիմնումը Հանի՝ կրթության մասին ունեցած պատկերացումների գագաթնակետն էր։ Հանը կրթության առաջամարտիկ էր, որի առաջին նախաձեռնությունների շարքում են Գերմանիայի Սալեմ (Salem School) ու Աութուորդ բաունդ (Outward School) դպրոցները։ Բացի դրանից՝ 1958 թվականին մասնակցելով ՆԱՏՕ-ի Սթաֆ քոլեջի (Staff College) համաժողովին և ականատես լինելով Երկրորդ համաշխարհային պատերազմի նախկին հակառակորդների միջև համագործակցությանը՝ ոգեշնչվել էր դրանից: Դա նրան բերեց այն մտքին, որ աշխարհի տարբեր ծայրերում բնակվող երիտասարդներին միասին կրթելու դեպքում հնարավոր կլինի կանխել հակամարտությունները: Կրթության՝ աշխարհը դեպի լավը փոխելու զորության հանդեպ այս հավատն էլ հենց ծնեց UWC շարժումը, որի առաքելությունն է կրթությունը վերածել մարդկանց, ազգերը և մշակույթները միավորող ուժի՝ հանուն խաղաղության և կայուն ապագայի:

Այդ պահից սկսած՝ UWC-ն հաստատուն կերպով հանձն է առել տրամադրել մարտահրավերային և փոխակերպական կրթություն ուսանողներին՝ ոգեշնչելու նրանց դառնալ դրական փոփոխությունների աղբյուրներ և կառուցել ավելի խաղաղ ու կայուն աշխարհ: 

Page 1

Ժամանակագրությունը

Այսօր UWC շարժումը ներառում է՝

18


18 դպրոց և քոլեջ:

155


Տեղականներկայացուցչություններ (ազգային կոմիտեներ) ավելի քան 150 երկրում:

60,000


Դպրոցների և քոլեջների, ինպչես նաև կարճաժամկետ ծրագրերի ավելի քան 60 000շրջանավարտ՝ ավելի քան 180 երկրից: