Այն, ինչ դարձնում է UWC-ն առանձնահատուկ, մեր համոզմունքն է, որ եթե ինչ-որ մեկը նպատակասլաց է և կարեկից, ապա չպետք է հանգամանքների բերումով զրկվի կրթությունից: Մենք աջակցություն և կրթաթոշակներ ենք առաջարկում տարբեր ծագում ունեցող սովորողների, ներառյալ թերներկայացված խմբերի և հակամարտությունից փախչող երիտասարդների: Դա հնարավոր է այնպիսի հովանավորների առատաձեռնության շնորհիվ, ինչպիսին է Շելբի Դեյվիսը:

Դեյվիսը ամերիկացի ներդրող է և բարերար, ով իմացել է UWC-ի մասին 1990-ականներին UWC-USA քոլեջի նախկին նախագահ Ֆիլ Գեյերի կողմից: Նա հաստատապես հավատում է այն հնարավորություններին, որ ստեղծում է կրթությունը երիտասարդների համար, և ի դեմս UWC-ի տեսավ գլոբալ տարածում ունեցող մի շարժում, որը կրթական հնարավորություններ է ընձեռում աշխարհի ամենախոստումնալից և մոտիվացված երիտասարդներից շատերին: Նա որոշեց աջակցել UWC-ին` ֆինանսավորելով կրթաթոշակներ, որոնք հնարավորություն կտան տարբեր ծագում ունեցող սովորողներին օգտվել որակյալ կրթությունից:

Davis United World College Scholars ծրագիրը աշխարհի ամենամեծ միջազգային կրթաթոշակային ծրագիրն է բակալավրիատի սովորողների համար և օգնել է UWC-ի տասը հազար շրջանավարտների հաճախել ԱՄՆ քոլեջներ և համալսարաններ:

Դեյվիսը նաև աջակցել է Davis-UWC-IMPACT Challenge-ին, որով նա խրախուսել է նվիրատվություններ անել UWC քոլեջներին՝ ամեն մի նվիրատվությունը իր կողմից կրկնապատկելով: Միևնույն ժամանակ, 2018 թ․-ին մեկնարկել է Davis-UWC-Dare to Dream ծրագիրը, ինչը թույլ է տալիս անապահով խմբերից 100 նոր սովորողների հաճախել UWC քոլեջներ: 2021 թ․-ից այս աջակցությունը եռապատկվել է՝ հանգեցնելով ընդհանուր առմամբ 300 Davis-UWC Dare to Dream կրթաթոշակների:

Շելբի Դեյվիսը մնում է UWC-ի ամենաակտիվ և տրանսֆորմատիվ աջակիցներից մեկը, և նրա գործնեությունն օգնել է դռներ բացել սովորողների առաջ, ովքեր, նրա խոսքերով, «չեն համարձակվում նույնիսկ երազել համաշխարհային մակարդակի կրթության մասին, ինչպիսին UWC-ն է առաջարկում»: