UWC Adriatic-ը առաջարկում է Միջազգային բակալավրիատի դիպլոմ ծրագրի (IBDP) ուսումնական պլան: Բացի ստանդարտ կուրսերից, Քոլեջն առաջարկում է արաբերեն, սլովեներեն, սերբերեն, խորվաթերեն և բոսնիերեն, համաշխարհային արվեստներ և մշակույթներ, բնապահպանական համակարգեր և արվեստ: Սովորողները նաև պետք է սովորեն իտալերեն, ու թեև IBDP քննություն չեն հանձնում, կարող են առանձին սերտիֆիկատ ստանալ:

UWC Adriatic-ը Ստեղծագործականություն, Ֆիզիկական ակտիվություն և Ծառայություն (CAS) ծրագրի մեջ առանձնակի ուշադրություն է դարձնում «ծառայություն» բաղադրիչին: Ֆիզիկապես ինտեգրված լինելով տեղի համայնքի կյանքին՝ Քոլեջը երկարաժամկետ համագործակցություն ունի շատ կազմակերպությունների հետ, որոնք զբաղվում են կամավորական աշխատանքներով մի շարք ոլորտներում:

Սոցիալական ծառայության աշխատանքներն ընդգրկում են աշխատանք տեղի տարրական դպրոցներում սովորող իտալախոս և սլովենախոս երեխաների հետ; տարբեր շահառուների սովորեցնում են արվեստ, անգլերեն և այլն; հանդիպումներ են կազմակերպում սովորողներին բազմամշակութային փորձ հաղորդելու, նախապաշարմունքներն ու ռասիզմը հաղթահարելու նպատակով; մտավոր և ֆիզիկական հաշմանդամություն ունեցող մարդկանց օգնություն են ցուցաբերում; աշխատում փախստականների հետ, ընկերակցում գյուղի տարեց և այլ մարդկանց, ովքեր ի վիճակի չեն տնից դուրս գալ, այցելում տարեցներին տեղի հաստատություններում; Առաջին օգնության կուրսեր տալիս՝ շտապօգնության ծառայություն (տեղի Կարմիր խաչի աշխատակիցների հետ), համերգներով ելույթներ ունենում հիվանդանոցներում և տարեցների ու հիվանդ մարդկանց համար նախատեսված հաստատություններում, բազմակի սկլերոզով տառապող մարդկանց այցելում; գիտություն տարածում երեխաների և մեծահասակների շրջանում, տեղի հոսփիսում ապրող մարդկանց այցելություն:

Ստեղծագործականության մաս են կազմում Adriatic Times բլոգը, կերամիկա/խեցեգործությունը, շախմատը, ստեղծագրությունը և գրականագիտական վերլուծությունը, ընթացիկ խնդիրների ուսումնասիրության խումբը, բանավեճի ակումբը, դեկուպաժ և փեչվորքը, նկարչությունը, մշակութային հետազոտությունները կինոյի միջոցով, ՄԱԿ-ի մոդելը, երաժշտությունը (երգչախումբ, մադրիգալ երգչախումբ, դաշնամուրի դասեր, մեներգություն, ծանոթության դասընթացներ, երաժշտական կոմպոզիցիա, գործիքային դասեր, համույթներ, երաժշտական շոու), լուսանկարչությունը, ռոբոտաշինությունը, Philosophy ամսագիրը, TEDxUWC Adriatic-ը, թատրոնը, տարեգիրքը, WEB 2.0-ը:

UWC Adriatic-ը օգտագործում է իր աշխարհագրական դիրքը ծովափնյա գյուղակ Տրիեստի լեռներում Ալպերի մոտ, և իր սովորողներին առաջարկում մի շարք բացօթյա զբաղմունքներ: Ահա հասանելի զբաղմունքների ամբողջ շարքը. աերոբիկա, փետրագնդակ, խմբակային վարժանքներ, ալպինիզմ, ժամանակակից պարեր, վազք, արշավներ, թիավարում, խառը մարտական արվեստներ, կողմոնորոշում տեղանքում, նավարկություն, ֆուտբոլ, լող, թենիս, ֆրիսբի և յոգա:

UWC Adriatic-ի բնակելի շինություններն ու մյուս կառույցները ցրված են Դուինո գյուղի շուրջ: Սովորողներն ապրում են ութ բնակելի շենքերում: Այլ կառույցներից են՝ ճաշարանը, ակադեմիական շենքը, արվեստի կենտրոնը, գիտական լաբորատորիաները, գրադարանը, բժշկական կենտրոնը, լսարանը և ICMA-ն (Միջազգային համայնքի երաժշտական ակադեմիա):

Դուինոն գեղատեսիլ ծովափնյա գյուղ է, որն ընդամենը կես ժամվա հեռավորության վրա է գտնվում Տրիեստից: Սա մի հանգիստ վայր է, որն ապահով միջավայր է ստեղծում և նպաստում առողջ ապրելակերպին: Այստեղից հեռու չէ Վենետիկը, իսկ Սլովենիայի սահմանը ընդամենը մի քանի կիլոմետրի վրա է:

Դիմորդները պետք է դիմեն իրեն UWC national committee կամ UWC Global Selection Programme-ի միջոցով։ Հավելյալ տեղեկության համար խնդրում ենք այցելել քոլեջի կայքը։