Անցնել բովանդակությանը ↓
map

UWC Ատլանտիկ քոլեջ ​​​​​​​

Գլամորգան հովիտ, Ուելս, Միացյալ թագավորություն

350 ուսանող`

15-ից 19 տարեկան

Founded

1962

3 March 2017

Առաջին UWC քոլեջը, UWC Ատլանտիկ քոլեջը, 1962 թվականից՝ իր հիմնադրման օրվանից ի վեր, ստեղծված է եղել կրթության միջոցով միջազգային փոխըմբռնման գաղափարը առաջ տանելու համար: Այն երիտասարդներին հարթակ է ապահովում ընդհանուր փորձի միջոցով կրթվելու և ի զորու դառնալու դրական փոփոխություններ կատարելու համար:

Երեք յուրահատկությունները

  • Պատմական ժառանգություն. UWC Ատլանտիկ քոլեջը տեղակայված է 12-րդ դարի ամրոցում՝ Հարավային Ուելսի ծովափին (Մեծ Բրիտանիա):
  • Atlantic DIploma դասընթաց. քոլեջը բարդ, միջազգային ուղղվածություն ունեցող, լայն և հավասարակշռված կրթական փորձ է առաջարկում, որը հիմնական շեշտը դնում է այնպիսի ծառայության և ղեկավարության վրա, որոնք շատ ավելին են, քան ֆորմալ ուսուցումը, և պատրաստում են ուսանողներին կյանքին՝ դասասենյակի պատերից դուրս:
  • Հզորացում. ուսանողները գալիս են Քոլեջ կյանքի իրենց տեսլականով և ավարտում՝ աշխարհում դրական փոփոխություն կատարելու հնարավորություն ստացած: Շրջանավարտները ընդունվում են Մեծ Բրիտանիայի, ԱՄՆ-ի և ողջ աշխարհի լավագույն համալսարանները:
Դասասենյակում 

Քոլեջի ուսումնական պլանը կազմված է երկու առանձին մասերից՝  Քեմբրիջի Միջնակարգ կրթության միջազգային ընդհանուր սերտիֆիկատի (IGCSE) Atlantic pre-Diploma ծրագիր և Atlantic DIploma։

Atlantic pre-Diploma-ն մեկ տարվա դասընթաց է 15-16 տարեկանների համար, որը ուսանողներին է ներկայացնում  UWC ձևափոխող կրթական փորձը: Ուսանողները յուրացնում են սովորելու հիմնական հմտությունները, որոնք պատրաստում են նրանց սովորելու ՄԲ, Ա մակարդակում և Բարձրագույն կրթությանը: Նրանք բարելավում են իրենց գիտելիքները IGCSE մակարդակի մի շարք առարկաներից և ստանում անգլերենի բարձր մակարդակի գիտելիքներ՝ ակադեմիական կրթություն ստանալու համար: Ծրագիրը կարող է միջազգային բակալավրիատի երկու տարվա ծրագիրն ավարտելու սկիզբը դառնալ, բայց կարելի է ավարտել նաև որպես առանձին դասընթաց: 

Atlantic Diploma-ն, որը նախատեսված է 16-19 տարեկանների համար, բաղկացած է երկու մասից. Միջազգային բակալավրիատի դիպլոմի ծրագրի (IBDP) ուսումնական պլան և ուսումնական պլանին կից փորձառական կրթության ծրագիր, որը կենտրոնացած է խաղաղության և կայուն ապագայի հիմնական կողմերի վրա: Ուսանողներից պահանջվում է հետևել տասնմեկ ֆակուլտետի համար նախատեսված լայնածավալ ուսումնական պլանին: Յոթ ֆակուլտետ ապահովում են IBDP-ի առարկայական հիմքը, և բացի ստանդարտ առարկաներից, առաջարկում այնպիսի դասընթացներ, ինչպես չինարեն, գերմաներեն, նորվեգերեն, իսպաներեն, սոցիալական և մշակութային մարդաբանություն, համաշխարհային կրոններ, երաժշտություն, համակարգեր և հասարակություններ: Մնացած չորս ֆակուլտետները փորձառական բնույթի են և առաջարկում են Քոլեջի տեսլականի և արժեքների խորը ընկալում և պրակտիկ մասնակցություն:

 

Դասասենյակից դուրս 

Ուսումնական պլանին կից ծրագիրը ներառում է չորս փորձառական ուղղություն՝ Էկոլոգիական, Համաշխարհային, Հասարակական արդարադատության և բացօթյա ակտիվություն, որոնք թույլ են տալիս ուսանողներին հայտնաբերել, գծել իրենց սեփական շավիղը, ռիսկի դիմել և դիմակայել հնարավոր ձախողմանը՝ բացահայտելով սեփական ուժեղ և թույլ կողմերը, ինչպես նաև իրենց դերը ընդհանուր գործում: Յուրաքանչյուր ուղղություն ունի երկու ոլորտ. առաջնային ուղերձ, որը ներառում է համայնքում ներգրավվածության ծրագիրը, երկրորդական ուղերձ, որի չորս հիմնական  բաղադրիչներն են ակտիվությունը, ուսանողական նախաձեռնությունները, առաքելությանն ուղղված ժամանակահատվածը և նախագծի ժամանակահատվածը:

Կամպուսը և հարմարությունները  

UWC Ատլանտիկ քոլեջը տեղակայված է Սբ. Դոնաթի ամրոցում (12-րդ դար), ինչը բավականին անսովոր վայր է կապմուս հիմնելու համար, և ունի բավականին մեծ դահլիճ և դասասենյակներ:

Ուսանողական համայնքը բաժանված է ըստ հատուկ այդ նպատակով կառուցված տների՝ յուրաքանչյուրում 48 ուսանող, աղջիկների և տղաների համար առանձնացված միջանցքներով: Սովորաբար ամեն սենյակում բնակվում է նույն կուրսի և տարիքի, բայց տարբեր ազգության չորս ուսանող: Բոլոր ուսանողները գտնվում են դաստիարակների խնամքի տակ, որոնք ապրում են կից տներում և ժամանակի զգալի մասն անցկացնում են ուսանողների հետ շփվելով և նրանց օգնելով:

Կամպուսը բաղկացած է ճաշասրահից, գրադարանից, պուրակից, փակ և բաց լողավազաններից և պատմական շենքերում տեղակայված դասաենյակներից:

Աշխարհագրական դիրքը  

UWC Ատլանտիկ քոլեջը գտնվում է Միացյալ Թագավորությունում, Ուելսի հարավային ափին: Բրիջենք մեծ քաղաքը և Ուելսի մայրաքաղաք Քարդիֆը, իրար բավականին մոտ են գտնվում, հետևաբար Քոլեջը բավականին մոտ է հիմնական տրանսպորտային հանգույցներին, ներառյալ ավտոբուսային կայարանները, երկաթուղին և օդանավակայանը:

Ընդունելությունը  

Ուսանողները դիմում են իրենց երկրի UWC հանձնաժողովի միջոցով: Քոլեջն ընդունում է նաև չմիջնորդավորված դիմումներ, եթե ուսանողները չեն համապատասխանում իրենց երկրի հանձնաժողովի չափանիշներին կամ էլ դիմում են Atlantic pre-Diploma ծրագրի համար: Հավելյան տեղեկության համար այցելեք www.atlanticcollege.org/admissions/ կայքը:

 

You have not allowed cookies and this content may contain cookies.

If you would like to view this content please

Contact Details


UWC Ատլանտիկ քոլեջ
Սբ. Դոնաթի ամրոց
Լլենտվիտ Մեյջոր

Գլամորգան հովիտ

CF61 1WF
Միացյալ Թագավորություն

www.atlanticcollege.org

17 Քոլեջներըամբողջ
աշխարհում