Ատլանտյան երկամյա դիպլոմը, որը 16-19 տարեկանների համար է, ունի երկու մաս՝ Միջազգային բակալավրիատի դիպլոմ ծրագիր (IBDP) և փորձառական ուսուցման ծրագիր, որը կենտրոնանում է խաղաղության, կայուն ապագայի և սովորողի նախաձեռնության վրա։ Դրանք փոխկապակցված են և կիսում են Քուրթ Հանի փիլիսոփայության, UWC շարժման և Ալեք Պետերսոնի կրթական աշխատանքի ընդհանուր ժառանգությունը:

Ծրագիրը ներկայացնում է Քոլեջի առաքելությունը գործողության մեջ: Այն կենտրոնանում է համայնքում ծառայության, համագործակցային աշխատանքի և սոցիալական ներգրավվածության վրա ողջ կյանքի ընթացքում և երիտասարդների մեջ զարգացնում է անձնական նախաձեռնության զգացում և առաջնորդության հմտություններ: Սովորողները գտնվում են վստահության, իրական պատասխանատվության և որոշումներ կայացնելու դիրքերում, և գործողությունների և անձնական օրինակի միջոցով դրսևորում են աշխարհում դրական փոփոխություն կատարելու պարտավորություն:

Համադասարանական ծրագիրը ներառում է չորս փորձարարական ֆակուլտետներ՝ Բնապահպանական, Գլոբալ, Սոցիալական Արդարության, Արտադասարանական, որոնք թույլ են տալիս սովորողներին ներգրավվել բացահայտումների մեջ, որոշել իրենց ուղին, դիմակայել ռիսկերին և հաղթահարել ձախողման հավանականությունը՝ իմանալով իրենց ուժեղ և թույլ կողմերը, ինչպես նաև նրանց դերը ընդհանուր գործում: Յուրաքանչյուր ֆակուլտետ ունի երկու ոլորտ՝ առաջնային, որը պարունակում է համայնքի ներգրավման ծրագիր, և երկրորդական, որը պարունակում է չորս որոշիչ առանձնահատկություններ (գործունեություն, սովորողական նախաձեռնություններ, առաքելության վրա կենտրոնացած ժամանակաշրջաններ և նախագծի ժամանակաշրջան):

UWC Atlantic-ը տեղակայված է Սուրբ Դոնատի ամրոցում (12-րդ դար)՝ բավականին անսովոր համալսարանական միջավայրում, որտեղ սովորականից ավելի մեծ են լսարանները և դասասենյակները:

Ակադեմիական համայնքը բաշխված է ութ հատուկ կառուցված ռեզիդենցիալ շինություններում, որից յուրաքանչյուրում տեղավորվում է մոտավորապես 48 սովորող, տղամարդկանց և կանանց առանձին միջանցքներով: Ընդհանուր առմամբ, նույն տարվա խմբի տարբեր ազգության չորս սովորող են ապրում մեկ սենյակում: Բոլոր սովորողները գտնվում են տնային ծնողների խնամքի ներքո, ովքեր ապրում են հարակից տներում և մեծ ժամանակ են անցկացնում սովորողների հետ՝ նրանց հետ շփվելով և աջակցելով:

Քոլեջի հարմարությունները ներառում են՝ ճաշասենյակ, գրադարան, անտառային տարածք, փակ և բաց լողավազան և դասասենյակներ պատմական շենքերում:

UWC Atlantic-ը գտնվում է Միացյալ Թագավորությունում՝ Ուելսի հարավային ափին: Բրիջենդ մեծ քաղաքը և Ուելսի մայրաքաղաք Քարդիֆը իրար բավականին մոտ են գտնվում, հետևաբար Քոլեջը բավականին մոտ է հիմնական տրանսպորտային հանգույցներին՝ ավտոբուսի կանգառներ, գնացքի կայարան և օդանավակայան։

Սովորողները դիմում են իրենց երկրի  UWC national committee կամ UWC Global Selection Programme միջոցով։ Հավելյալ տեղեկության համար կարող եք այցելել Քոլեջի կայք։