UWC ԱՄՆ-ը առաջարկում է Միջազգային բակալավրի դիպլոմային ծրագիր (IBDP) ուսումնական պլան։ Ստանդարտ կուրսերին զուգահեռ առաջարկում է խոսակցական չինարենի ուսուցում (Mandarin), գերմաներենի ուսուցում, սոցիալական և մշակութային մարդաբանություն, սպորտային վարժություններ, Երաժշտություն, թատերական արվեստ, պարային դասընթացներ։

ԱՄՆ–ի UWC-ում ստեղծարարություն, գործնական քայլ և ծառայություն (CAS)  ծրագիրը բաժանված է երեք բաղկացուցիչ մասերի. վայրի բնություն, համայնքային ներգրավածություն և կոնֆլիկտներին կառուցողական ներգրավման Բարտոսի ինստիտուտ։

Բոլոր ուսանողները մասնակցում են դեպի անապակ բնություն կազմակերպվող առնվազն երկու գիշերակացով ճամփորդություններին։

Ուսապարկերով արշավին զուգահեռ ուսանողները կարող են ընտրել նաև ձմեռային արշավները, ձնակոշիկներով քայլք կամ դահուկներով արշավը։ Բոլոր ուսանողները սովորում են դեյհայկինգի հիմունքները, վայրի բնության մեջ առաջին օգնություն և արհեստական շնչառություն տալ։ Ուսանողները կարող են ընտրել Վայրի Բնության Առաջին Օգնություն սերտիֆիկացման ծրագիրը։

Որպես Համայնքային մասնակցության ծրագրի` մաս ուսանողները վերանորոգել են մի հին եկեղեցու շենք՝ ձևափոխելով այն մի հզոր համայնքային կենտրոնի, կառուցել են ընտանիքների համար տներ, ովքեր այլապես չէին կարող տուն ունենալ, օգնում են տեղի անտունների կացարանը շահագործել, ուսուցանում են տարրական դպրոցի երեխաներին և աշխատում տեղական հոգեբուժական հոսպիտալում։ Լրացուցիչ կերպով ուսանողները ծառայում են իրենց կամպուսին՝ մասնակցելով արհեստագործական խմբակների։

Կոնֆլիկտներին կառուցողական ներգրավման Բարտոս ինստիտուտի նախաձեռնությունները նպատակ ունեն երիտասարդներին զինել տեսական և գործնական հմտություններով, որով նրանք կօգնեն լուծել անձնական, միջանձնային և համայքնային կոնֆլիկտենրը։

Առաջին ուսումնական կիսամյակի ընթացքում բոլոր առաջին կուրսեցի ուսանողները մասնակցում են բոլոր բաղկացուցիչ մասերին։ Երկրորդ տարվա համար ուսանողները ընտրում և վարպետանում են բաղադրիչ մասերից որևէ մեկ ոլորտում, որը լավագույնս համապատսխանում է նրանց անձնական ուսման նպատակներին։

Գլոբալ Առաջնորդության Ֆորումում (GLF), քոլեջը մարտահրավեր է նետում մասնակիցներին դուրս գալ իրենց հարմարավետության գոտուց։ Աջակցող կրթության և կանխամտածված համայնքային ներգրավման միջոցով կուրսը նպատակ ունի խթանել այն էներգիան և զորությունը, որ ունեն երիտասարդները։ GLF փորձառության շնորհիվ ուսանողները իրենց ազատրում են այն մտքից, որ նրանք ոչինչ չեն կարող անել իրենց համայնքային խնդիրների լուծման համար։

Երկու հարյուր ակրանոց կամպուսը շրջապատված է հանրահայտ Մոնտեզումա ամրոցով։ Այն կառուցվել է 1881 թ․-ին՝ որպես լյուքս հյուրանոց և կատարելապես վերանորոգվել 2001-ին։ Ամրոցը ունի հանրակացարային սենյակներ, դասասենյակներ, գրասենյակներ, և ճաշասրահ։ Այլ հարամարավետությունների շարքից են՝

• Վեց հանրակացարան, որոնցից յուրաքանչյուրն իր անվանումը ստացել է աշխարհի բարձր գագաթների անվանումներով․ ամեն մեկը հյուրընկալում է քսանհինգից քառասուն ուսանող։
• Հին Քարե Ամրոցը, որը կառուցվել է 1878թ-ին։ Այն այժմ օգտագործվում է դասասենյակների համար, այստեղ են նաև գրադարանը և ադմինիստրատիվ գրասենյակները։
• Էդիթ Լանսինգ Ֆիլդ Հաուսը մի սպորտային համալիր է,որը ներռաում է ներքին բասկետբոլային հարթակներ, սքվոշի կորտեր, պարային ստուդիա, ծանրամարտի մարզասրահ և կարդիոմարզումներ սարքավորումներ։
• Կլուջ Արվեստի կենտրոնը, որը ներառում է լսարան, արվեստի ստուդիաներ, երաժշտության ստուդիաներ։
• Dwan Light Sanctuary-ին մի գեղեցիկ շրջանաձև շինություն է 12 մեծ աբսիդային պրիզմաներից բաղկացած և տանիքով, որը տարածքում ծիածաններ է սփռում։

UWC ԱՄՆ-ը տեղակայված Պեկոս Վայլդերնիսի ծայրին՝ Սանգրե դե Կրիստո լեռնաշղթայի ստորոտների մոտ։ Տարածքը վայելում է տարեկան մոտ 300 արևային օր, ու չնայած ձմռանը այստեղ ձյուն է տեղում, կլիման հիմնականում չոր չէ։

Ուսանողները դիմում են իրենց UWC ազգային կոմիտեի միջոցով։

Հավելյալ տեղեկատվության համար այցելեք  www.uwc-usa.org