UWC Սկանդինավյան Կարմիր Խաչը առաջարկում է Միջազգային Բակալավրի Դիպլոմի Ծրագիր (IBDP) ուսումնական պլան։  Ստանդարդ կուրսերին զուգահեռ Քոլեջը առաջարկում է դանիերեն, նորվեգերեն, շվեդերեն, Միջազգային Քաղաքականություն, Գիտական ծրագիր, Թատերական արվեստ։ Հավելյալ առաջին տարվա ուսանողները այցելում են Սկանդինավյան Կարմիր Խաչի  Կյանքի հմտություններ ծրագրի դասընթացներին՝ ուսումնասիրելով և զարգացնելով իրենց տեղեկացվածությունը Կարմիր Խաչի արժեքների և Քոլեջի Սկանդինավյան, Մարդասիրական և Շրջակա Միջավայրի  հենասյուներից։

Արտաակադեմիական ծրագիրը կենտրոնանում է երեք հենասյուների վրա՝ Սկանդինավյան, Մարդասիրական և Շրջակա Միջավայրի։ Համայնքային ծառայության վրա մեծագույն շեշտ է դրվում՝ մշակութային և արտալսարանային գործողությունների  լայն տարատեսակների միջոցով։ Նշվածի տարբերակներից են՝ ոչ պաշտոնական գործունեության ձևերը, արտաակադեմիական հանձնառությունները, Ծրագրի վրա հիմնված ուսումնական շաբաթները, Frilufsveke - Դահուկի շաբաթը, հատուկ միջոցառումներ և ծրագրեր, գլոբալ հետաքրքրությունները, Մշակությային օրերը, Ճամաբարային պարտականությունները, համայնքային ծառայությունը (օրինակ՝ Ամառային դպրոց, որտեղ բոլոր մեկ սերունդ ներկայացնող ուսանողները կատարում են շաբաթական ծառայություն Հոգլանդ վերականգնողական կենտրոնում կամ Ուսանողական կազմակերպություններում, որպես ծրագրի կարևորագույն բաղկացուցիչ մաս)։

Քոլեջը առաջարկում է կերամիկայի և գործվածքի դասընթացներ և աջակցում արհեստի և նկարչության դասընթացներին Հոգլանդ վերականգնողական Կենտրոնում։

Գեղեցիկ ֆյորդային բնաշխարհը տրամադրում է հիասքանչ տարածք՝ ջրային և լեռնային ակտիվության համար։ Որպես առաջին տարվա ուսանող, դուք կարող եք մարզվել՝ դառնալու համար արտալսարանային առաջնորդ, նպատակ ունենալով երկրորդ տարվոի, գիտելիքը կիրառել գործնականում։

Ridderrennet-ը ամենամյա միջազգային դահուկային մրցույթ է՝ նախատեսված հաշմանդամություն ունեցողների համար, որտեղ ուսանողները ներառվում են որպես մասնակիցներ և կամավորներ։

UWC RCN-ը կազմակերպում է նախապատրաստական Ամառային կուրս նախքան ուսումնական տարվա սկիզբը՝ առաջարկելով դասընթացներ անգլերենի սահմանափակ իմացությամբ ուսանողներին և օգնելով նրանց կողմնորոշվել նոր միջավայրում, տրամադրելով նրանց աջակցող կապեր և ներկայացնելով UWC կյանքին։

Քոլեջը ունի հինգ ուսանողական կացարան, որոնցից յուրաքանչյուրը հյուրընկալում է 40 ուսանող։ Սենյակները, որոնցից ամեն մեկը հյուրընկալում է հնգական ուսանող, ունեն ավանդական նորվեգական ոճի դիզայն և առանձին սանհանգույց։ Կենտրոնական լվացքատունը տեղակայված է Ուսանողական Գյուղի կենտրոնում։ Քոլեջի դուստր ընկերություն UWC Կոնեկտը պատասխանատու է քոլեջ ժամանող հյուրերին երկու տների մեջ տեղավորելու համար՝ կառուցված այն նպատակով, որ այցելուները կշահեն այս բազմազանության միջավայրից։ Հոգլանդ կենտրոնի լողավազանը նույնպես հասանելի է, ինչպես նաև ծանրամարտի և ընդհանուր մարզասրահները։

Քոլեջը տեղակայված է գեղեցիկ ֆյորդային տարածքի վրա՝ Նորվեգիայի արևմտյան ափին։ Մինչև Բրինգլանդի Ֆյորդե օդանավակայանը քառասուն րոպեի ճանապարհ է, իսկ մինչև Բերգենի Միջազգային օդանավակայանը՝ երեք ժամվա։

Ուսանողները դիմում են իրենց UWC ազգային կոմիտեի միջոցով։ Sogn & Fjordane-ում կա լրացուցիչ հատուկ ընտրական գործընթաց Կոլնֆլիկտ Վերապրածների ծրագիր անվանումով։ Հավելյալ տեղեկատվության համար այցելեք uwcrcn.no կայքը։